Այսօր կբացվեն ԱՄՆ զինված ուժերի Եվրոպական հրամանատարության «Մարդասիրական աջակցություն» ծրագրի շրջանակներում վերակառուցված Արագածոտնի մարզի Թալին քաղաքի հիվանդանոցի մասնաշենքն ու Ներքին Սասնաշեն գյուղի մանկապարտեզը: Պաշտպանության նախարարույթունից տեղեկացնում են, որ բացման արարողություններին մասնակցելու նպատակով Հայաստան են ժամանելու ԱՄՆ ռազմաօդային ուժերի Ռամշտեյնի (Գերմանիայի Դաշնային Հանրապետություն) ավիաբազայի հրամանատարի տեղակալ, գեներալ-մայոր Մարկ Զամզոուն և ԱՄՆ զինված ուժերի ինժեներական կորպուսի քաղաքացիական աշխատանքների դիրեկտորիատի տնօրենի տեղակալ, գնդապետ Պետեր Հելմինգերը:
Այսօր լրանում է Ներքին Սասնաշենի տարածքում ամերիկյան C-130 հետախուզական ինքնաթիռի կործանման 53-րդ տարելիցը: Միջոցառումների շրջանակներում մասնակիցներն իրենց հարգանքի տուրքն են մատուցելու ինքնաթիռի անձնակազմի 17 զոհված անդամների հիշատակի հուշահամալիրին:
