Կենտրոնական ընտրական հանձնաժողովի նախագահ է նշանակվելու ՀՀ վերաքննիչ դատարանի արդեն նախկին նախագահ Տիգրան Մուկուչյանը: Հայկական գրեթե ողջ տպագիր մամուլը հաստատում է այս տեղեկությունը: Երեկ սեպտեմբերի 15-ին Հայաստանի նախագահ Սերժ Սարգսյանի հրամանագրով նա ազատվել է վերաքննիչ դատարանի ղեկավարի պաշտոնից:
Շուտով Վճռաբեկ դատարանը Մուկուչյանին կառաջադրի ԿԸՀ անդամ, որից հետո էլ նա կդառնա այդ մարմնի ղեկավար:
Սեպտեմբերի 9-ի երեկոյան սրտի կաթվածից մահացել է Հայաստանի կենտրոնական ընտրական հանձնաժողովի նախագահ Գարեգին Ազարյանը, ով զբաղեցնում էր այդ պաշտոնը 2003 թվականից:
Նա երկու ամիս առաջ վերընտրվել էր ԿԸՀ նախագահի պաշտոնում:
