Ազգային ժողովի փոխնախագահ է դառնալու Հանրապետական կուսակցության խոսնակ Էդուարդ Շարմազանովը: Սույն որոշումը ՀՀԿ-ում արդեն հաստատաված է, և փոխանախագահի ընտրությունը կայանալու է դեկտեմբերի 5-ին՝ հերթական քառօրյային, հայտնում է «Հայկական ժամանակ»-ը: Նույն օրը, ամենայն հավանականությամբ, ԱԺ փոխնախագահ Սամվել Նիկոյանը կդառնա ԱԺ նախագահ: ՀՀԿ իրազեք աղբյուրները հայտնում են, որ սույն որոշումները կայացվել են անցած հինգշաբթի անցկացված ՀՀԿ գործկոմի նիստի ժամանակ: Ըստ նույն աղբյուրների, ԱԺ փոխնախագահի պաշտոնում քննարկվել է նաև ՀՀԿ-ական Հերմինե Նաղդալյանի թեկնածությունը: Թերթը նշում է, որ Շարմազանովին երեկ արդեն շնորհավորում էին:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
