Հայաստանի Հանրապետության Սփյուռքի նախարարությունը շնորհավորել է Վիլեն Շատվորյանին Ուկրաինայի հայերի միության նախագահ ընտրվելու կապակցությամբ, գրում է Analitika.at.ua-ը:
«Վստահ ենք, որ դուք կշարունակեք հայ ազգային ինքնության պահպանման և հայ-ուկրաինական բարեկամական կապերի ամրապնդման գործը, համահայկական ծրագրերի ակտիվ մասնակիցը կլինեք»,- ասվում է նախարարության ուղերձում:
Սփյուռքի նախարարությունը նշում է նաև, որ միությունը կարող է վստահ լինել նախարարության կողմից աջակցության հարցում:
Նոյեմբերի 21-ին Կիևում կայացավ Ուկրաինայի հայերի միության վարչության նիստը, որի ժամանակ տեղի ունեցան միության նախագահի ընտրությունները, կազմակերպության նոր ղեկավար ընտրվեց Վիլեն Շատվորյանը:
