Հայաստանի Ազգային Ժողովը երեկ հաստատել է Քրեկան Օրենսգրքում կատարելիք փոփոխությունները, որոնց համաձայն ահաբեկչության կամ քաղաքական եւ հասարակական գործիչների սպանության համար ցմահ բանտարկված անձինք զրկվում են վաղաժամկետ պայմանական ազատվելու իրավունքից: Օրինագիծը ներկայացվել է «Արդարություն» ընդդիմադիր դաշինքի խմբակցության կողմից, որի ներկայացուցիչը նշել է, որ փոփոխություններրը առաջին հերթին արվել են, որպեսզի 1999 թվականի հոկտեմբերին Հայաստանի խորհրդարանում ահաբեկչական գործողություն կատարած հանացագործները չկարողանան հավակնել վաղաժամկետ պայամանական ազատման: Հիշեցնենք, որ 1999 թվականի հոկտեմբերի 27-ի ահաբեկչության հետեւանքով զոհվեցին երկրի վարչապետ Վազգեն Սարգսյանը, Ազգային Ժողովի խոսնակ Կարեն Դեմիրճյանը, երկու փոխխոսնակներ, նախարար եւ երեք պատգամավոր: Նշենք, նաեւ, որ ահաբեկչական գործողության հինգ անմիաջական մասնակիցների նկատմամբ պետական մեղադրող կողմը պահանջել է ցմահ բանատարկություն:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
