Համապատասխան հրավերի դեպքում, Հայաստանը, հնարավոր է, կմասնակցի ԱԳՆ ղեկավարների մակարդակով հայ-թուրք-ադրբեջանական եռակողմ հանդիպմանը: Այդ մասին այսօր լրագրողներին հայտարարել է ՀՀ արտաքին գործերի նախարար Վարդան Օսկանյանը` մեկնաբանելով իր թուրք գործընկեր Աբդուլա Գյուլի վերջերս արված հայտարարությունը նման հանդիպման անցկացման հնարավորության մասին: Օսկանյանի խոսքերով` արդեն կայացած երկու նման հանդիպումները տվել են դրական արդյունք: Ընդսմին, նա հերքել է ենթադրություններն այն մասին, թե Թուրքիան այդ հանդիպումներում հանդես է գալիս որպես միջնորդ ղարաբաղյան խնդրի կարգավորման գործում: «Պարզապես հանդիպում են տարածաշրջանում հարեւան երեք երկրների ներկայացուցիչները եւ քննարկում ընդհանուր խնդիրներ», – ասել է ՀՀ ԱԳՆ ղեկավարը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
