«Ժողովուրդ». Ինչի՞ շուրջ են վիճել Սուրեն Խաչատրյանն ու Մաքսիմ Հակոբյանը

Երեկ Սյունիքի մարզպետարանում մարզպետ Սուրեն Խաչատրյանն ու Զանգեզուրի պղնձամոլիբդենային կոմբինատի գլխավոր տնօրեն Մաքսիմ Հակոբյանը ժողով են հրավիրել, որին հիմնականում մասնակցել է ՀՀԿ ակտիվը: Թերթն իր աղբյուրներից տեղեկացել է որ ժողովը սկսվել է ժամը 17:00-ին, որի ընթացքում անգամ միջադեպ է գրանցվել: Խաչատրյանն ինչ-որ թեմայի շուրջ է խոսել, որին հակադարձել է Հակոբյանը, ինչը վերածվել է վիճաբանության: «Ժողովուրդը» գրում է, որ, իհարկե, ՀՀԿ-ականները հանդարտեցրել են կողմերին, սակայն թեման երկար ժամանակ քննարկման նյութ է դարձել: Սյունիքի մարզի ՀՀԿ շտաբի ղեկավար, ՀՀ թիվ մեկ հարկատու Մաքսիմ Հակոբյանը հաստատել է թերթի տեղեկությունը, որ ժողով է եղել, սակայն չի ցանկացել մանրամասնել վիճաբանության թեման: «Միշտ էլ անում ենք, քննարկում ենք բազմաբնույթ հարցեր և այն, թե «Ժողովուրդ» օրաթերթի թղթակցին ինչ պիտի պատասխանենք»,-կատակել է Հակոբյանը: