Օրերս Բրյուսելում ՀՀ առեւտրի եւ տնտեսական զարգացման նախարար Կարեն Ճշմարիտյանը Հայաստանի եւ Եվրամիության միջեւ ազատ առեւտրի մասին համաձայնագրի ստորագրման հարցերը քննարկեց Եվրոպական հանձնաժողովի առեւտրի հարցերով գլխավոր տնօրեն Պ. Կարլի ու Եվրոպական հանձնաժողովի արտաքին հարաբերությունների տնօրեն Հ. Մինգարելի հետ: Քննարկվել են նաեւ Հայաստանի եւ Եվրամիության միջեւ ապրանքաշրջանառության ծավալների աճի ապահովման եւ Եվրամիության երկրներ հայկական ապրանքների արտահանման համար արտոնյալ պայմաններ տրամադրելու խնդիրները: Հայ նախարարը ելույթ է ունեցել նաեւ Անտվերպեն քաղաքի ադամանդագործության ակումբում` ներկայացնելով այդ բնագավառի զարգացման համար Հայաստանում ստեղծված նպաստավոր պայմանները: Ինչպես տեղեկացրել են ՀՀ ԱԳՆ մամուլի ծառայությունում, հանդիպմանը մասնակցել են այդ բնագավառում հայտնի մի շարք ընկերությունների` «Ռոզի Բլու», «Գեմբել», Արժավ», ներկայացուցիչները:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
