ԱՄՆ-ն մտահոգված է Հայաստանում տիրող քաղաքական իրավիճակով, մասնավորապես, կառավարության եւ ընդդիմության միջեւ առճակատման կտրուկ սրմամբ, հայտարարել է ԱՄՆ Պետական դեպարտամենտի պաշտոնական ներկայացուցիչ Ռիչարդ Բաուչերը: «Մենք երկու կողմերին կոչ ենք անում երկխոսություն սկսել, որը կթուլացնի լարվածությունը եւ քաղաքական գործընթացը կկենտրոնացնի շարունակվող ժողովրդավարական եւ տնտեսական բարեփոխումների վրա: Հարձակումները, շուրջկալությունները քաղաքական կուսակցությունների գրասենյակների վրա, ընդդիմության ակտիվիստների մեծածավալ կալանքները եւ ձերբակալությունները չեն նպաստում քաղաքական երկխոսություն սկսելու համար անհրաժեշտ մթնոլորտի ստեղծմանը: Մենք բոլոր կողմերին կոչ ենք անում հարգել խաղաղ հանրահավաքների դերը եւ ձեռնարկել բոլոր միջոցները` բռնությունները կանխելու համար», – ասվում է ԱՄՆ պետդեպարտամենտի ներկայացուցչի հայտարարության մեջ:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
