ԵԱՀԿ Մինսկի խմբի ամերիկյան նոր համանախագահ Ստիվեն Մանն այսօր Պրահայում կայանալիք Հայաստանի եւ Ադրբեջանի արտաքին գործերի նախարարների եւ միջնորդների հանդիպումից անմիջապես հետո կայցելի Երեւան եւ Բաքու: Այս մասին «Մեդիամաքս» գործակալությանը հայտնել է ԱՄՆ-ում Հայաստանի դեսպան Արման Կիրակոսյանը` անդրադառնալով Վաշինգթոնում Հայաստանի դեսպանությունում Ս.Մաննի հետ վերջերս կայացած հանդիպման արդյունքներին: Դեսպանի խոսքերով` Ս.Մանը բազմիցս այցելել է Հայաստան, նրա վերջին այցելությունը կայացել է 1992 թվականին, երբ գործուղվել էր Երեւան հատուկ առաքելությամբ` բացել Հայաստանում ԱՄՆ դեսպանությունը: «Այնպես որ կարելի է համարել, որ ԵԱՀԿ Մինսկի խմբի ԱՄՆ նոր համանախագահը Հայաստանում ԱՄՆ գործերի առաջին հավատարմատարն է եղել», – նկատել է Ա.Կիրակոսյանը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
