Երևանի պետական լեզվաբանական համալսարանում տեղի կունենա հանդիպում լեհ հայագետ, Կրակովի Յագելլոնյան համալսարանի դասախոս Անդժեյ Պիսովիչի հետ: PanARMENIAN.Net-ին համալսարանի հանրային կապերի բաժինից տեղեկացրեցին, որ նա դասախոսություն կկարդա ուսանողների համար:
Եվրոպական հնագույն համալսարանների թվին պատկանող Կրակովի Յագելլոնյան համալսարանն այսօր ևս պահպանել է իր տեղը առաջատարների շարքում:
Պրոֆեսորի դասախոսությունը կարևոր լիցք կհաղորդի ինչպես Լեհաստանի հանդեպ ԵՊԼՀ ուսանողների ընդհանրական հետաքրքրությանը, այնպես էլ համալսարանում լեհերենի, լեհական պատմության, մշակույթի և գրականության ուսումնասիրության գործընթացին: Հայերենով լեհական գրականության և լեհ գրողի մասին իր կողմից կարդացած դասախոսությունը կհանդիսանա ժամանակակից աշխարհում մշակույթների և լեզուների երկխոսության ցայտուն դրսևորում, ինչպես նաև բազմալեզու և բազմամշակույթ կրթության առավելությունների և հեռանկարների վառ ապացույց: 2012 թվականը նաև հոբելյանական է Հայաստանի և Լեհաստանի միջև դիվանագիտական հարաբերությունների հաստատման առումով:
