Հայ ազգային կոնգրեսի համակարգող Լևոն Զուրաբյանը Ծիծեռնակաբերդ կատարած այցելության ժամանակ լրագրողների հետ զրույցում ասել է, որ Հայոց Ցեղասպանության ճանաչման գործընթացում կարևոր է համարում այն, որ հայերը իրենց մեջ կարողացել են հաղթահարել զոհի հոգեբանությունը:
«Դարեր շարունակ հայ ժողովուրդը պատերազմում հաղթանակ չէր տարել, միշտ պարտվել ու կեղեքվել էր, և դա գագաթնակետին հասավ 1915 թվականին: 1988 թվականի Լեռնային Ղարաբաղի հաղթական պատերազմի շնորհիվ մենք կարողացանք հաղթահարել այդ հոգեբանությունը: Մեզ նորից զգալ պետականություն ունեցող ազգ, և ես դա համարում եմ այս տարիների մեր ամենամեծ նվաճումը»,- անկեղծացել է նա:
