Իմ այցը Լեռնային Ղարաբաղ վկայում է այն մասին, որ Եվրամիությունը կարեւորում է ղարաբաղյան հակամարտության կարգավորումը: Այդ մասին, ինչպես հաղորդում է «Մեդիամաքս» գործակալությունը, այսօր Ստեփանակերտում հայտարարել է Հարավային Կովկասում ԵՄ հատուկ ներկայացուցիչ Հեյկի Տալվիտիեն: Նրա խոսքերով, «նախկինում Եվրամիությունը ցանկանում էր իր ծրագրերի իրականացումը սկսել կարգավորման վերջին փուլում, սակայն հիմա մենք մտադիր ենք աջակցություն ցուցաբերել տարածաշրջանին հակամարտությունների կարգավորման գործում առաջին իսկ դրական տեղաշարժերի դեպքում»: Նշելով, որ վերջին անգամ Լեռնային Ղարաբաղում եղել էր 10 տարի առաջ, Հ.Տալվիտիեն հայտարարել է. «Ձեր ջանքերի շնորհիվ, դուք նշանակալի փոփոխությունների եք հասել կյանքի շատ ոլորտներում»:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
