Ադրբեջանի ընդդիմադիր «Դեմոկրատական Ադրբեջան» դաշինքը (ԴԱԴ) երկրի իշխանություններին կոչ է անում հրաժարվել Լեռնային Ղարաբաղի հակամարտության կարգավորման գործում ԵԱՀԿ Մինսկի խմբի միջնորդությունից: Այդ մասին «Ինտերֆաքս» գործակալությանը տեղեկացրել է ԴԱԴ-ի մեջ մտնող «Քաղաքացիական համերաշխության կուսակցության» քաղաքական խորհրդի ներկայացուցիչ Սամիր Ասադլին: «ԵԱՀԿ Մինսկի խմբից որոշակի գործեր են ակնկալում, այլ ոչ թե անհիմն հայտարարություններ: Համանախագահները ոչինչ չեն անում ղարաբաղյան հակամարտությունը կարգավորելու համար», – նշվում է հայտարարությունում: «Ուստի, Ադրբեջանի իշխանություններին հարկ է հրաժարվել ԵԱՀԿ ծառայություններից եւ փորձել ինքնուրույն լուծել խնդիրը», – ասվում է ԴԱԴ-ի հայտարարության մեջ:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
