Ադրբեջանի ժողովրդական ճակատ կուսակցությունը (ԱԺՃԿ) նախատեսում է բողոքի ցույցեր կազմակերպել Բաքվում: Ըստ կուսակցության տարածած հաղորդագրության` այդ ակցիաներն ուղղված են Բաքվում անցկացվելիք ՆԱՏՕ-ի «Լավագույն համատեղ ջանք-2004» զորավարժություններին հայ զինվորականների մասնակցության դեմ: Ակցիաները կանցկացվեն մի շարք դիվանագիտական ներկայացուցչությունների եւ պետական հիմնարկությունների շենքերի առջեւ: Ինչպես տեղեկացնում Է Բաքվի «Էխո» թերթը, ցույցեր կազմակերպելու իրենց մտադրությունների մասին ԱԺՃԿ տեղեկացրել է Բաքվի քաղաքապետարանին: Պիկետները կկազմակերպվեն «Պահանջում ենք հարգել Ադրբեջանի ժողովրդին» եւ «Կորչեն հայ զավթիչները» կարգախոսերով:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
