Սեպտեմբերի 21-ին Չինաստանում ՀՀ դեսպանությունում կազմակերպվեց ընդունելություն` նվիրված Հայաստանի Հանրապետության Անկախության 21-րդ տարեդարձին:
Ինչպես հայտնում է ԱԳՆ մամլո ծառայությունը, հանդիսավոր միջոցառմանը ներկա գտնվեցին ՉԺՀ ԱԳ նախարարի տեղակալ Չեն Գոպինը, Չինաստանի ԱԳՆ բարձրաստիճան պաշտոնյաներ, Պեկինում հավատարմագրված դեսպաններ, դիվանագետներ, Չինաստանի պաշտպանական ոլորտի և ռազմադիվանագիտական կորպուսի սպաներ, ինչպես նաև Չինաստանի գործարար շրջանակների և երկրի առաջատար զանգվածային լրատվամիջոցների ներկայացուցիչներ:
Երեկոյան տեղի ունեցավ հավաք-ընդունելություն` Պեկինում բնակվող հայերի, այդ թվում` այստեղ սովորող ՀՀ քաղաքացիների մասնակցությամբ:
Միջոցառումների մասնակիցներին ողջունեց ՉԺՀ-ում ՀՀ դեսպան Արմեն Սարգսյանը:
