Փարպեցի փողոցում գտնվող չորսհարկանի շենքի բնակիչների կառուցած դրսի վերելակի շինարարությանը դեռ ոչ մի պատկան մարմին չի միջամտել: ԱԻՆ Տեխնիկական անվտանգության ազգային կենտրոնի տնօրենի տեղակալ Վլադիմիր Հովսեփյանը PanARMENIAN.Net ի թղթակցի հետ զրույցում ասաց, որ գործը վարչական վարույթում է և դեռ հայտնի չեն արդյունքները: «Երբ պարզվի, որ շինարարությունն անօրինական է, այն կդադարեցվի, հնարավոր է՝ որ վերելակը նաև ապամոնտաժվի»,-ասաց Հովսեփյանը:
Հիշեցնենք, որ ավելի վաղ Վլադիմիր Հովսեփյանը PanARMENIAN.Net ի թղթակցի հետ զրույցում ասել էր, որ այդ վերելակի համար թույլտվություն չկա և այն ապօրինի է կառուցվում: Նա ասել էր, որ այդ մասին տեղեկացրել է Հրդեհային և տեխնիկական անվտանգության տեսչության աշխատակիցներին և նրանք զբաղվում են խնդրով:
Նշենք, որ Փարպեցի փողոցի այս շենքերը կառուցվել են մոտ 80 տարի առաջ, դրանք նախ եղել են չորսհարկանի, հետագայում շենքերին երկու հարկ ավելացրել են:
