2012 թվականին Հայաստանն ընդլայնել է ռազմական, ռազմատեխնիկական համագործակցությունը ռազմավարական դաշնակից Ռուսաստանի, գործընկեր ԱՄՆ-ի, Չինաստանի, եվրոպական և եվրասիական տարբեր պետությունների հետ: Այս մասին այսօր լրագրողների հետ հանդիպման ժամանակ հայտնեց ՀՀ Պաշտպանության նախարար Սեյրան Օհանյանը` ամփոփելով անցած տարին:
«Տարվա ընթացքում Հայաստանը գործուն մասնակցություն է ունեցել ՀԱՊԿ-ի և ՆԱՏՕ-ի կողմից իրականացված տարբեր ծրագրերин»,- նկատեց նախարարը:
Սեյրան Օհանյանը նկատեց, որ տարվա ընթացքում պլանավորված և արտապլանային բոլոր միջոցառումներն իրականացվել են ժամանակին: Նախարարն առանձնացրեց ՀԱՊԿ «Փոխգործակցություն 2012» զորավարժությունը, Ռազմավարական հրամանատարաշտաբային զորավարժությունների ԶՈւ կիրառման փուլը, որոնք անցկացվել են բարձր մակարդակով:
