Սահամանդրական դատարանում ընտրությունների արդյունքների վերաբերյալ ԿԸՀ որոշումը վիճարկող գործի քննության շրջանակներում դիմումատու Րաֆֆի Հովհաննիսյանի ներկայացուցիչ Զարուհի Փոստանջյանը հարցեր ուղղեց հարակից պատասխանող դատախազության ներկայացուցիչ Կորյուն Փիլոյանին: Հարցին, թե ԿՒՀ կայքի խափանման վերաբերյալ գործ հարուցվե՞լ է, դատախազության ներկայացուցիչը պատասխանեց. «Նման հրապարակումը չի կարող հանցագործության համար հաղորդագրության հիմք դառնալ, դա սուբյեկտիվ կարծիք է, կայքի խափանումը հանցագործություն չէ»:
Զարուհի Փոստանջյանը նկատեց, որ Սերժ Թանկյանի՝ Սերժ Սարգսյանին ուղղված նամակում մեղադրանք է հնչեցվում Սերժ Սարգսյանի կողմից ժողովրդի քվեի գողության մասին: «Դրան անդրադարձե՞լ եք»,- հարցրեց Զարուհի Փոստանջյանը, որին Կորյուն Փիլոյանը պատասխանեց. «Ոչ»:
Զարուհի Փոստանջյան– Ե՞րբ եք համարում քրեական գործը բացահայտված:
Կորյուն Փիլոյան– Օրենքը կարդացեք:
Զ.Փ.- Դուք ասեք, ի՞նչ է սահմանում օրենքը:
Կ.Փ.-Դուք ինձ հիմա ատեստացիայի՞ եք ենթարկում, թե սեմինար եք անցկացնում:
Զ.Փ.-Սերժ Սարգսյանը Թանկյանին գրած նամակում խոսել էր զինամթերքի մասին: Դատախազությունը գնահատական տվե՞լ է, հարուցե՞լ եք քրեական գործ:
Կ.Փ.- Չկար դրա անհրաժեշությունը, բանավոր քննարկվել է և քանի որ նախադասությունը հանցագործության մասին հատկանիշ չի պարունակում, քրգործ չի հարուցվել:
Զ.Փ.- Արձանագրություն կա, որ քննարկել եք:
Կ.Փ.- Ոչ, բանավոր քննարկում է եղել, որ քննարկենք հարցը: Հարմար չենք գտել քննակելու:
Զ.Փ.- Այսինքն` ականներ չկան, մենք չվախենա՞նք:
Կ.Փ.-Չէ:
«Բավական հուսադրեցինք»,- արձագանքեց ՍԴ նախագահ Գագիկ Հարությունյանը:
Դատախազության ներկայացուցչին հարցեր ուղղեցին նաև Անդրիաս Ղուկասյանն ու Րաֆֆի Հովհաննիսյանի մյուս ներկայացուցիչ Կարեն Մեժլումյանը:
