Այսօր և վաղը Երևանում համաքաղաքային շաբաթօրյակ է: Մայրաքաղաքի փողոցները, մայթերը, այգիներն ու բակային տարածքներն աղբից մաքրելու գործին մասնակցում են պետական գերատեսչությունների ու մասնավոր ընկերությունների աշխատակիցներ, ուսանողներ ու աշակերտներ:
Դեռ նախորդ շաբաթ քաղաքապետարանում աշխատանքային խորհրդակցության ժամանակ քաղաքպետին զեկուցել էին, որ նախապատրաստական բոլոր աշխատանքներն ավարտված են. ըստ վարչական շրջանների ձևավորված են առանձին խմբեր` կից պատասխանատուներով:
