Քիչ առաջ Բաղրամյան պողոտայի սկզբնամասում ոստիկանների կազմած պատնի մոտ Րաֆֆի Հովհաննիսյանը փորձեց բանակցել Երևանի փոխոստիկանապետ Արթուր Օսիկյանի հետ, որպեսզի թույլատրվի երթի մասնակիցներին Բաղրամյան պողոտայով շարժվել դեպի Ծածեռնակաբերդ: «Մենք մեր հայրենիքի պողոտայով խաղաղ հաղթանակով արժանապատիվ քայլում ենք: Ոստիկանությունը պիտի դիմի մեզ, վստահ եմ, որ ինքը ճիշտ բան կասեն», – ասաց Րաֆֆի Հովհաննիսյանը, ինչից հետո Արթուր Օսիկյանը բարձրախոսով հայտարարեց, որ երթն անօրիանական է ու ոստիկանությունը պահանջում է դադարեցնել այն:
«Ձեր գործողություններով խախտվում է հասարակական կարգը, ու այլ մարդկանց ազատ տեղաշարժվելու իրավունքը»,- հայտարարեց նա:
Այս հայտարարությունից քիչ անց ոստիկանության և երթի մասնակիցների միջև ծեծկռտուք սկսվեց, որը մի քանի րոպեից դադարեց, բայց ցուցարարները շարունակում էին պահանջել, որ ոստիկանությունը բացի ճանապարհը:
Մի քանի րոպե առաջ «Ժառանգության» փոխնախագահ Ռուբեն Հակոբյանը հայտարարեց, որ Րաֆֆի Հովհաննիսյանն այս պահին Ազատության հրապարակում բանակցում է ինչ-որ մեկի հետ ու ցուցարարները սկսեցին Բաղրամյանի սկբնամասից ցրվել: Րաֆֆի Հովհաննիսյանի հետ բանակցել է ոստիկանապետ Վլադիմիր Գասպարյանը: Համաձայնություն է ձեռք բերվել` երթի մասնակիցները Սարյան փողոցով կգնան Ծիծեռնակաբերդ:
