Ապրիլի սկզբին ԵԱՀԿ Մինսկի խմբի համանախագահ Բերնար Ֆասյեն կայցելի Ադրբեջան եւ Հարավային Կովկասի այլ երկրներ: Այդ մասին լրագրողներին հայտարարել է Ադրբեջանի արտգործնախարար Էլմար Մամեդյարովը: Նրա խոսքերով, ֆրանսիացի դիվանագետը կծանոթացնի Ադրբեջանի իշխանություններին Ստամբուլի բանակցությունների մանրամասներին: Էլմար Մամեդյարովը նշել է, որ հնարավոր է, որ ԵԱՀԿ ՄԽ համազեկուցողների Ստամբուլի հանդիպման արդյունքները եւ Ադրբեջանի եւ Հայստանի արտգործնախարարների հերթական հանդիպման ժամկետը պարզ դառնա ֆրանսիացի դիվանագետի` Բաքու այցի ժամանակ, հաղորդում է «Էխո» թերթը:
Իսկ PanARMENIAN.Net-ի թղթակցին Հայաստանում Ֆրանսիայի դեսպանատանը հայտնեցին, որ ֆրանսիական դիվանագիտական ներկայացուցչությունում չեն տիրապետում տարածաշրջան Բերնար Ֆասյեի այցի վերաբերյալ ինֆորմացիային
