Վրաստանի իշխանությունները հստակ ծրագիր են պատրաստել Ախալքալաքի բնակչության աշխատանքի տեղավորման վերաբերյալ, որը կսկսի գործել ռուսական զորքերի դուրս բերման գործընթացին զուգահեռ: Այդ մասին հայտարարել է Վրաստանի խորհրդարանի խոսնակ Նինո Բուրջանաձեն: Նրա խոսքերով, իշխանությունները հստակ ծրագիր ունեն այն կապակցությամբ, թե ինչ պետք է տեղի ունենա, որպեսզի ռուսական ռազմակայնում աշխատող բնակչությունը գործազուրկ չմնա ռազմակայանի դուրս բերումից հետո:
«Չնայած մի շարք ուժեր ջանում էին օգտագործել տեղական բնակչությանը ռուսական ռազմակայանի դուրս բերման դեմ բողոքելու համար , բնակչության մեծամասնությունը ըմբռնումով մոտեցավ Վրաստանի պետական շահերին»,- ասել է Նինո Բուրջանաձեն: Օրենսդիր մարմնի ղեկավարը նաեւ ընդգծեց, որ «Հազարամյակի մարտահրաներներ» ծրագրի շրջանակներում Ամերիկայի կողմից Վրաստանին տրամադրվող դրամաշնորհի մեծ մասը օգտագործվելու է հենց Ախալքալաքի վերականգնման համար, հաղորդում է Civil.Ge-ն:
