Ռուսաստանը հանդես է գալիս ղարաբաղյան խնդրի քաղաքական լուծման օգտին, հայտարարել է ՌԴ փոխվարչապետ, պաշտպանության նախարար Սերգեյ Իվանովը Բաքվում: «Մենք հանդես ենք գալիս խնդրի խաղաղ, քաղաքական լուծման օգտին: Ռուսաստանը, Ֆրանսիայի եւ ԱՄՆ-ի հետ միասին ԵԱՀԿ Մինսկի խմբի համանախգահն »,-ասել է Ս.Իվանովը մամլո ասուլիսի ժամանակ ԱՊՀ երկրների Նախարարների խորհրդի նիստի ավարտին: Նրա խոսքերով, ԵԱՀԿ Մինսկի խումբը, «որի շրջանակներում բավականին կանոնավոր կերպով շփումներ են կատարվում Ադրբեջանի եւ Հայաստանի ներկայացուցիչների միջեւ, խնդրի լուծման ճիշտ ճանապարհն է»: «Դրսից ներմուծված կարգավորման ցանկացած ձեւաչափ ոչ միայն հակաարդյունավետ է, այլ նաեւ վտանգավոր»,-հայտարարել է Ս.Իվանովը, հաղորդում է Ինտերֆաքսը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
