«Ղարաբաղյան խնդիրը եւ Հյուսիսային Կիպրոսի հարցը չի կարելի դիտարկել նույն տեսանկյունից, քանի որ դրանք բոլորովին տարբեր խնդիրներ են», հայտարարել է Եվրամիության Եվրոպական հարեւանության քաղաքականության գծով հանձնակատարի հատուկ ներկայացուցիչ Էմմա Ուդվինը: Է.Ուդվինն, ընդգծելով, որ ներկայումս Հյուսիսային Կիպրոսի խնդիրը քննարկման փուլում է, նշել է, որ սա շատ նրբանկատ, եւ միեւնույն ժամանակ, շատ կարեւոր հարց է: «Սակայն ճիշտ չէր լինի զուգահեռներ անցկացնել այդ երկու հակամարտությունների միջեւ»,-նշել է նա: Իր հերթին Եվրամիության բարիդրացիության քաղաքականության սեկտորային համակարգման միության ղեկավար Անդրեաս Խերդինան հայտարարել է, որ հանդես է գալիս Հարավային Կովկասի երկրների հետ զուգահեռ բանակցություններ վարելու օգտին` Եվրոպական հարեւանության քաղաքականության շրջանակներում: «Մենք ցանկանում ենք համագործակցել երեք երկրների հետ միաժամանակ, եւ էական պատճառներ չենք տեսնում տարբերություններ դնելու համար Ադրբեջանի, Վրաստանի եւ Հայաստանի միջեւ»,-հայտարարել է նա, հաղորդում է «ԱՊԱ» գործակալությունը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
