Ադրբեջանի արտգործնախարար Էլմար Մամեդյարովը համոզված է, որ ԵԱՀԿ Մինսկի խմբի ԱՄՆ համանախագահ Սթիվեն Մաննի փոխարինումը բացասաբար չի ազդի Լեռնային Ղարաբաղի կարգավորման գործընթացի վրա: Ինչպես բացատրել է Է. Մամեդյարովը, նրա համոզվածությունը պայմանավորված է ամերիկացի դիվանագետների պրոֆեսիոնալիզմով: «Գլախավորն այն է, որ ամերիկացիենրը մնում են կարգավորման գործընթացում եւ ցանկանում են այն շարունակել»,- հայտարարել է Ադրբեջանի ԱԳՆ ղեկավարը: Է. Մամեդյարովը գտնում է, որ նոր համանախագահին խնդրին ծանոթացնելու համար բավական է ընդամենը մեկ-երկու ամիս:
Հիշեցնենք, որ ԵԱՀԿ Մինսկի խմբի նախկին համանախագահ Սթիվեն Մաննը նշանակվել է ԱՄՆ պետքարտուղարի օգնականի պաշտոնում` Կենտրոնական ու Հարավային Ասիայի երկրների հարցով
