Ուկրաինան կմասնակցի հայկական ՀԷԿ-երի վերակառուցմանը: Այդ մասին հաղորդել է Հայաստանում Ուկրաինայի դեսպան Ալեքսանդր Բոժկոն: Այդ հարցը քննարկվել է այսօր Հայաստանի ԱԳՆ ղեկավար Վարդան Օսկանյանի Կիեւ կատարած այցի ժամանակ: Դեսպանի խոսքերով, հայկական ՀԷԿ-երի սարքավորումների հեղինակը Խարկովի «Տուրբոատոմ» ԱՄ-ն է, այդ պատճառով այժմ Հայաստանը շահագրգռված է, որ էներգետիկ սեկտորի ձեռնարկությունների վերակառուցման մրցույթներին մասնակցեն այդ ձեռնարկության մասնագետները: «Մենք արդեն համապատասխան փաստաթղթերն ուղարկել ենք Ուկրաինայի էկոնոմիկայի նախարարությանը»,-նշել է Ա.Բոժկոն, հաղորդում է ՌԲԿ-Ուկրաինան:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
