ԼՂՀ Ազգային Ժողովի խոսնակ Աշոտ Ղուլյանը եւ ԼՂՀ արտգործնախարար Գեորգի Պետրոսյանը ԱՄՆ այցի շրջանակներում Վաշինգտոնում հանդիպել են ԵԱՀԿ Մինսկի ամերիկացի համանախագահ Մեթյու Բրայզայի հետ: Զրուցակիցները քննարկել են ղարաբաղյան հակամարտության կարգավորման ներկա փուլը եւ տարածաշրջանային զարգացումները: Լեռնային Ղարաբաղի խորհրդարանի խոսնակը եւ ԱԳՆ ղեկավարը ներկայացրել են ԼՂ դիրքորոշումը ղարաբաղյան կարգավորման վերաբերյալ, կարեւորելով խնդրի իրավական կողմը: Հանդիպման մասնակիցները պայմանավորվել են խորհրդակցությունները շարունակելու մասին, այդ թվում նաեւ Ստեփանակերտում, հաղորդում է ԼՂՀ ԱԳՆ մամլո ծառայությունը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
