Այսօր Փարիզում խորհրդակցություններ են կայանում ԵԱՀԿ ՄԽ համանախագահներ Յուրի Մերզլյակովի (Ռուսաստան), Բերնար Ֆասյեի (Ֆրանսիա) եւ Մեթյու Բրայզայի (ԱՄՆ) եւ ԵԱՀԿ ներկա նախագահի անձնական ներկայացուցիչ Անջեյ Կասպռշիկի մասնակցությամբ: Հուլիսի 29-ից օգոստոսի 1-ը տարածաշրջանային այցելություն կատարած ամերիկացի համանախագահը կհաղորդի իր գործընկերներին այցի արդյունքների մասին, ինչպես նաեւ կքննարկվեն Լեռնային Ղարաբաղի հակամարտության կարգավորման ուղղությամբ միջնորդների հետագա քայլերը: Սպասվում է, որ միջնորդները Հայաստանի եւ Ադրբեջանի արտգործնախարարներ Վարդան Օսկանյանին եւ Էլմար Մամեդյարովին կառաջարկեն «Պրահայի գործընթացի» շրջանակներում բանակցությունների հերթական փուլն անցկացնել:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
