Նյու Ջերսիի հայերն աջակցում են Ռոբերտ Մենենդեզին ԱՄՆ Սենատի ընտրություններում: Ինչպես հայտնում է Ամերիկայի Հայ Դատի Հանձնախումբը (ANCA), նահանգի հայ համայնքի ներկայացուցիչներից մոտ 50 հազար ընտրողները պատրաստվում են իրենց ձայնը տալ սենատորին: «Ռոբերտ Մենենդեզը Նյու Ջերսիի եւ ողջ երկրի հայ համայքնի իսկական առաջնորդ է, դա լավագույն ընտրությունն է ԱՄՆ Սենատի համար»,- հայտարարել է ANCA ներկայացուցիչ Անի Չագլասյանը: Նրա խոսքերով, սենատորը սկզբունքային առաջնորդ է հայկական հարցերում` հատկապես Ռիչարդ Հոգլանդին Հայաստանում ԱՄՆ դեսպան նշանակելու հարցում: «Մենք բոլոր դեմոկրատ, հանրապետական եւ անկախ հայերին կոչ ենք անում իրենց ձայները տալ Ռոբերտ Մենենդեզին նոյեմբերի 7-ի ընտրություններում»,- ասել է նա:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
