ԵԱՀԿ-֊ի Մինսկի խմբի համանախագահները հայտարարել են, որ Հայաստանի եւ Ադրբեջանի արտգործնախարարներ Վարդան Օսկանյանի եւ Էլմար Մամեդյարովի երեկվա հանդիպումը Փարիզում կառուցողական էր: «Երկու նախարարները կառուցողական հանդիպում ունեցան` շատ անկեղծ եւ անմիջական մթնոլորտում»,֊ – ասված է հանդիպումից հետո ռուս, ֆրանսիացի եւ ամերիկացի դիվանագետների տարածած հայտարարությունում: Այդ փաստաթղթի համաձայն, Վարդան Օսկանյանը եւ Էլմար Մամեդյարովը քննարկել են Լեռնային Ղարաբաղի կարգավիճակի վերաբերյալ առաջարկները, որոնք միջնորդները ներկայացրել են այս ամիս ավելի վաղ Մոսկվայում, հաղորդում է «Ազատություն» ռադիոկայանը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
