«Հայ֊-թուրքական սահմանը մեծ հաշվով բաց է»,-հայտարարել է Թուրքիայի արտգործնախարար Աբդուլա Գյուլը: Նրա խոսքերով, Թուրքիայում ներկայումս ապրում եւ աշխատում է 70 հազար հայաստանցի, որոնք իրենց վաստակածն ուղարկում են Հայաստան: «Բացի այդ, գործում է օդային հաղորդակցությունը: Սա քաղաքական հարց է, որը մեծամասամբ կախված է Հայաստանի կառավարությունից»,֊ – կարծիք է հայտնել Աբդուլա Գյուլը, հաղորդում է «Ազատություն» ռադիոկայանը: Նշենք, որ Աբդուլա Գյուլը Մոսկվայում մասնակցում է Սեւծովյան տնտեսական համագործակցության կազմակերպության անդամ երկրների արտգործնախարարների հավաքին:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
