Ֆրանսիային պաշտոնապես չեն հրավիրի Թուրքիայում կազմակերպվող ռազմական ցուցահանդեսին: Այդ մասին հայտարարել է Թուրքիայի պաշտպանության նախարար Վեջի Գոնուլը: Նրա խոսքերով, Թուրքիայի կառավարության այդ քայլը պայմանավորված է նրանով, որ ֆրանսիական խորհրդարանը 1915 թվականի Հայոց ցեղասպանության մերժման համար քրեական պատասխանատվություն նախատեսող օրենք է ընդունել:
Մինչ այդ Թուրքիայի մշակույթի եւ տուրիզմի նախարարությունը չեղյալ էր հայտարարել ֆրանսիական երաժշտական խմբի հրավերը թուրք բանաստեղծ եւ միստիկ Մեվլան Ռումիին նվիրված արարողությանը մասնակցելու համար, հայտնում է The New Anatolian-ը:
