Եվրահանձնաժողովը Թուրքիային լուրջ հետեւանքներով է սպառնում (PAN.am)

Եվրոպական հանձնաժողովի նախագահ Ժոզե Մանուել Բարոզուն սպառնացել է Թուրքիային լուրջ հետեւանքներով այն դեպքում, եթե Անկարան առաջիկա շաբաթների ընթացքում չբացի իր նավահանգիստներն ու օդանավակայնները ԵՄ անդամ հանդիսացող Կիպրոսի հունական հանրապետության նավերի եւ ինքնաթիռների համար: Բեռլինի «Տագեսշպիգել ամ զոնտագ» թերթին տված հարցազրույցում Բարոզուն հայտարարել է, որ Թուրքիայի կառավարության ստանձնած պարտավորությունները չկատարելը լուրջ հետեւանքներ կունենա Եվրամիությանը Թուրքիայի հնարավոր անդամակցության շուրջ ընթացող ողջ բանակցային գործընթացի համար, հայտնում է Deutsche Welle-ն: