Հայաստանի նախագահ Ռոբերտ Քոչարյանը գտնում է, որ մինչեւ մարտ Ռուսաստանը առաջին տեղը կզբաղեցնի ՀՀ տնտեսության մեջ իր ներդրումների քանակով: «Աճում է ապրանքաշրջանառությունը, լրջորեն աճել են Հայաստանի տնտեսության մեջ ռուսական ներդրումների ծավալները»,-հայտարարել է ՀՀ նախագահը ՌԴ նախագահի հետ բանակցությունների ավարտին: Քոչարյանը մեջբերել է Պուտինի խոսքերը, որ նա ասել է իրեն մամլո ասուլիսից առաջ, այն մասին, որ այժմ Ռուսաստանը «զբաղեցնում է խայտառակ երկրորդ տեղը» Հայաստանի տնտեսության մեջ ներդրումների առումով: «Ես այնպիսի տպավորություն ունեմ, որ մինչեւ մարտ Ռուսաստանը առաջին տեղը կզբաղեցնի ՀՀ տնտեսության մեջ իր ներդրումների քանակով»,-ասել է Հայաստանի նախագահը: Նա նշել է, որ արդեն սկսվել է խոշոր էներգետիկ ծրագրերի իրագործումը, այժմ քննարկվում է ռուսական գործարար շրջանակների մասնակցության հարցն արդյունաբերության լեռնահանքային ոլորտում, հաղորդում է ՌԻԱ «Նովոստի»-ն:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
