Հունվարի 31-ին Լեռնային Ղարաբաղի Հանրապետության իշխանությունների հետ նախօրոք ձեռք բերված պայմանավորվածության համաձայն ԵԱՀԿ առաքելությունը պլանային դիտարկում է անցկացրել ԼՂՀ եւ Ադրբեջանի զինված ուժերի շփման գծի Լեռնային Ղարաբաղի Մարտակերտի շրջանի Թալիշ բնակավայրի արեւելյան հատվածում: ԼՂՀ պաշտպանության բանակի դիրքերից դիտարկումն իրականացնում էին ԵԱՀԿ գրասենյակի համակարգող Իմրե Պալատինուսը (Հունգարիա) – ԵԱՀԿ գործող նախագահի անձնական ներկայացուցչի դաշտային օգնականներ Գյունտեր Ֆոլկը (Գերմանիա) – Միրոսլավ Վիմետալը (Չեխիա):
Դիտարկումն անցել է նախատեսված ժամանակացույցին համապատասխան: Սակայն ադրբեջանական կողմը հերթական անգամ ԵԱՀԿ դիտորդներին չի առաջնորդել իր սահմանային դիրքեր: Դիտարկման ժամանակ կրակի դադարեցման ռեժիմի խախտումներ չեն արձանագրվել: Դիտարկման առաքելությանը ղարաբաղյան կողմից ուղեկցում էին ԼՂՀ Պաշտպանության նախարարության եւ Արտաքին գործերի նախարարության ներկայացուցիչները:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
