Բեռլինի միջազգային կինոփառատոնում Պաոլո եւ Վիտտորիո Տավիանի եղբայրների Հայոց ցեղասպանության մասին պատմող «Արտույտների ագարակը» կինոնկարի ցուցադրությունից հետո դահլիճում քար լռություն էր: Առաջին ցուցադրությունից հետո ռեժիսորները հարցազրույցում եւս մեկ անգամ խոսել են Ցեղասպանության եւ Թուրքիայի կողմից այն ճանաչելու անհրաժեշտության մասին, հաղորդում է «Երկիր մեդիա» հեռուստաալիքը: Նշենք, որ ֆիլմը հիմնված է Անտոնիա Արսլանի համանուն վեպի վրա: Ֆիլմը պատմում է Հայոց ցեասպանության մասին մի հայ ընատիքի պատմության միջոցով. հերոսուհին բնակվում է Արեւմտյան Հայաստանում եւ սպասում է ծնողների վերադարձին Իտալիայից: Սակայն Առաջին Համաշխարհային պատերազմը խոչընդոտում է ընդտանիքի վերամիավորմանը, որի անդամները դառնում են թուրքերի կողմից իրագործված Հայոց ցեղասպանության զոհեր: Նշենք, որ ֆիլմը հանդիսանում է Իտալիայի, Իսպանիայի, Բուլղարիայի, Մեծ Բրիտանիայի եւ Բելգիայի համատեղ արտադրանքը եւ դրա բոյջեն կազմում է 9,7 մլն. եվրո: «Արտույտների ագարակը» ֆիլմում գլխավոր դերերը կատարել են կանադահայ Արսինե Խանջյանը, Ալեխանդրո Պրեզիոսին, Անջելա Մոլինան եւ մյուսները:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
