Շուրջ 170 կոնգրեսականներ սատարում են Հայոց ցեղասպանությունը ճանաչող բանաձեւին, հայտարարել է Ամերիկայի Հայկական համագումարի գործադիր տնօրեն Բրայան Արդունին: Նրա խոսքերով, բանաձեւի ընդունումը ճիշտ հունի մեջ կդնի ԱՄՆ քաղաքականությունն այդ հարցի վերաբերյալ: «Հայոց ցեղասպանությունը անհերքելի փաստ է: Բանաձեւի նպատակը ոչ թե Թուրքիային նսեմացնելն է, այլ պատմական ճշմարտության հաստատումը: Հարցն այն է, թե ինչպես մենք կարող ենք օգնել Թուրքիային հաշտվել իր անցյալի հետ»,-հայտարարել է Բ.Արդունին` հավելելով, որ պատմական ճշմարտությունը կնպաստի Թուրքիայի եւ Հայաստանի միջեւ հարաբերությունների հաստատմանը, հաղորդում է «Թըրքիշ Դեյլի Նյուսը»:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
