ԱՊՀ դիտորդական առաքելությունը դրական է գնահատում խորհրդարանական ընտրությունների ընթացքը Հայաստանում: Այդ մասին լրագրողներին է հայտարարել ԱՊՀ դիտորդական առաքելության ղեկավար, ԱՊՀ գործադիր քարտուղար Վլադիմիր Ռուշայլոն: Նրա խոսքերով, «առաքելությունը դրական տպավորություն է ստացել ընտրությունների ընթացքի մասին»: Ընդ որում Վ.Ռուշայլոն նշել է, որ տվյալ պահին դժվար է ինչ-որ որոշակի բան ասել: Նա հաղորդել է, որ այսօր, մինչեւ օրվա վերջը տեղի կունենա ԱՊՀ դիտորդների համակարգողների խորհրդակցությունը, իսկ մայիսի 13-ի առավոտյան մամլո ասուլիսի ժամանակ ԱՊՀ առաքելությունը կհրապարակի ամփոփիչ հայտարարությունը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
