Ղարաբաղյան հակամարտության կողմերը էական առաջընթաց են գրանցել վերջին երեք տարիների ընթացքում եւ Հայաստանի ու Ադրբեջանի ղեկավարությունը գովասանքի է արժանի տարաձայնությունները հաղթահարելու իր խիզախության համար, հիմնվելով խնդրի լուծման սկզբունքների վրա: Այդ մասին PanARMENIAN.Net-ի թղթակցին է հայտարարել ԵԱՀԿ ՄԽ-ի ամերիկացի համանախագահ, Եվրոպայի եւ Եվրասիայի հարցերով պետքարտուղարի տեղակալ Մեթյու Բրայզան:
«Մենք ափսոսում ենք, որ պետերբուրգյան հանդիպման ընթացքում առաջընթաց չգրանցվեց, սակայն, որպես ԵԱՀԿ Մինսկի խմբի համանախագահ, Վաշինգտոնը հավատարիմ է մնում հակամարտության խաղաղ կարգավորման աջակցության գաղափարին: Մենք կոչ ենք անում երկու կողմերին քաղաքական կամք դրսեւորել բանակցությունների առաջխաղացման համար»,-ասել է ամերիկացի դիվանագետը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
