Սեպտեմբերի հինգին Մալաթիա քաղաքում` «Էլյազիգ Սփոր»- «Դիարբեքիր» ֆուտբոլային մրցախաղի ընթացքում խոշոր ընդհարում է տեղի ունեցել: Էլազիգցի մի խումբ երիտասարդներ փողոցում սկսել են վանկարկել «Մալաթիան հայկական քաղաք է», ինչի արդյունքում տեղացիների հետ բախում է սկսկվել, որը վերաճել է զանգվածային անկարգության եւ ծեծուջարդի: Ոստիկանությունը ձերբակալել է 3 քաղաքացու, 2-ը` հոսպիտալացվել են: Ավելի ուշ, ֆուտբոլային խաղի ժամանակ, էլյազիգցիները կրկնել են այս վանկարկումները, հայտարարել են, թե Մալաթիայի անվտանգության վարչության պետ Օսման Քահյան ազգությամբ հայ է: Անվտանգության վարչության աշխատակիցները կարգազանցներին տարել են ստադիոնի զուգարան եւ ծեծի ենթարկել, հաղորդում է Հայաստանի Հանրային Հեռուստատեսությունը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
