«Սառեցված հակամարտությունների» կարգավորման համար անհրաժեշտ են քաղաքական կամք եւ մեծահոգություն: Այդ մասին հայտարարել է ԵԱՀԿ գործող նախագահ, Իսպանիայի ԱԳՆ ղեկավար Միգել Անխել Մորատինոսը` այսօր ելույթ ունենալով ԵԱՀԿ արտգործնախարարների հանդիպմանը Մադրիդում:
«Խաղաղություն հաստատելու համար մեզ անհրաժեշտ է բանակցությունների ցանկություն եւ հակամարտությունների կարգավորման քաղաքական խիզախություն, այդ թվում Մոլդովայում, Վրաստանում եւ Լեռնային Ղարաբաղում»,- ասել է Մորատինոսը, հանդիպման կողմերին կոչ անելով ընդհանուր հայտարարի հանգել, որը կօգնի ապահովել ԵԱՀԿ երկրների անվտանգությունը:
