Միացյալ Նահանգները կարգելափակեն Կոսովոյի շուրջ բանակցությունները երկարեցնելու Ռուսաստանի առաջարկությունը ՄԱԿ-ի Անվտանգության խորհրդում: Այդ մասին հայտարարել է ՄԱԿ-ում ԱՄՆ-ի մշտական ներկայացուցիչ Զալմայ Հալիլզադը: «Մենք լիովին հակադիր կարծիքներ ունենք Կոսովոյի մասին: Մենք գտնում ենք, որ բանակցությունները լիովին սպառել են իրենց»,-ասել է Հալիլզադը ՄԱԿ-ի շտաբ-կայանում:
ՄԱԿ-ի Անվտանգության խորհուրդը չորեքշաբթի սկսել է միջնորդների «եռյակի» հովանավորությամբ Կոսովոյի շուրջ բանակցությունները շարունակելու վերաբերյալ Ռուսաստանի առաջարկության քննարկումը: ՄԱԿ-ում Ռուսաստանի մշտական ներկայացուցիչ Վիտալի Չուրկինը ներկայացրել է փաստաթղթի նախագիծը ՄԱԿ-ի ԱԽ-ի նախագահի անունից, որտեղ առաջարկվում է դրական գնահատել բանակցությունների ընթացնքն ու երկարաձգել ուղղակի երկխոսությունը Կոսովոյի եւ Բելգրադի միջեւ, հաղորդում է ՌԻԱ Նովոստին:
