Նոյեմբերի 6-ին ղարաբաղյան հակամարտության կարգավորման գծով ԵԱՀԿ Մինսկի խմբի համանախագահները կհանդիպեն Վենայում: Ինչպես հաղորդում է ԵԱՀԿ մամլո ծառայությունը, հանդիպումից հետո համանախագահները մամլո ասուլիս կանցկացնեն:
Վերջին անգամ ԵԱՀԿ ՄԽ համանախագահներ Բեռնար Ֆասյեն (Ֆրանսիա), Յուրի Մերզլյակովը (ՌԴ) եւ Մեթյու Բրայզան (ԱՄՆ) հանդիպել են Հայաստանի, Ադրբեջանի եւ Ռուսաստանի նախագահների եռակողմ հանդիպման ժամանակ Մայնդորֆում (Մոսկվա), որտեղ նոյեմբերի 2-ին ղարաբաղյան հակամարտության քաղաքական կարգավորման մասին հռչակագիր է ստորագրվել:
