Արտաքին քաղաքականության եւ անվտանգության քաղաքականության գծով ԵՄ բարձրագույն ներկայացուցիչ Հավիեր Սոլանայի հայտարարությունը ղարաբաղյան կարգավորման մասին ամբողջությամբ համապատասխանում է Հայաստանի ԱԳՆ ղեկավար Էդվարդ Նալբանդյանի խոսքերին: Այդ մասին PanARMENIAN.Net-ին հայտնել է Հայաստանի դիվանագիտական շրջանակների աղբյուրը: Դեկտեմբերի 23-ին Սոլանան հայտարարեց. «Մենք ողջունել ենք նոյեմբերի երկուսի Մոսկովյան եւ դեկտեմբերի չորսի Հելսինկյան հռչակագրերը, որոնք հաստատում են Լեռնային Ղարաբաղի հակամարտության խաղաղ լուծումը գտնելու բոլոր կողմերի ձգտումը»: Աղբյուրի խոսքերով, Հավիեր Սոլանայի հայտարարությունը խոսում է այն մասին, որ ԵՄ եւ պաշտոնական Երեւանի դիրքորոշումները Լեռնային Ղարաբաղի հակամարտության լուծման հարցում նույնական են:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
