Փետրվարի 23-ին Բրյուսելում տեղի կունենա Եվրոպական Միության արտաքին գործերի նախարարների նիստ (GAERC), որը կվարի ԵՄ-ն նախագահող Չեխիայի Հանրապետության արտգործնախարար Կառլ Շվարցենբերգը: Նիստի օրակարգում մասնավորապես կհստակեցվեն «Արեւելյան գործընկերություն» ծրագրի հիմնական բաղադրիչները:
«Արեւելյան գործընկերություն» ծրագիրը, որը 2008 դեկտեմբերի 3-ին ստացավ եվրահանձնաժողովի հավանությունը, նախատեսում է առավել սերտ համագործակցություն Հայաստանի, Վրաստանի, Ադրբեջանի, Ուկրաինայի ու Բելառուսի հետ:
