Թուրքիայի դատախազ Նադի Թուրքասլանը Թուրքիայի արդարադատության նախարարությանը հղած նամակում կոչ է արել չեղյալ հայտարարել Անկարայի դատախազի «Հայեր, ներե’ք մեզ» նախաձեռնության հեղինակին քրեական պատասխանատվության կանչելու վերաբերյալ որոշումը: Մարտի 3-ին դատարանը չեղյալ հայտարարեց դատախազության որոշումը, որի համաձայն կազմակերպիչների դեմ չի կարող քրեական գործ հարուցվել: Այդ որոշումը թույլ է տալի դատախազներին արդարադատության նախարար Մեհմետ Ալի Շահինից պահանջել, որ հետաքննություն սկսվի:
Կազմակերպիչների դեմ հարուցվող մեղադրանքները հիմնված կլինեն Թուրքիայի ՔՕ 301-րդ հոդվածի վրա, որով քրեական պատասխանատվություն է նախատեսվում «թուրքական ինքնությունը» վիրավորելու համար: Հոդվածի նոր խմբագրության մեջ քրեական գործ հարուցելու համար պահանջվում է արդարադատության նախարարի կարգադրությունը, հաղորդում է «Հյուրիեթ դեյլի նյուսը»:
«Հայեր, ներե’ք մեզ» կոչը զետեղվել էր Ինտերնետում 2008 թվականի դեկտենբերի 15-ին: Նախաձեռնության կազմակերպիչներն են Ստամբուլի Բախչելի համալսարանի պրոֆեսոր, լրագրող Չենգիզ Աքթարը, պրոֆեսոր Բասկին Օրանը եւ Թուրքիայի ակադեմիական շրջանակների, լրագրողների, հասարակական գործիչների եւս 200 ներկայացուցիչներ:
