Մարտի 26-ին 05:35-ին դժբախտ պատահարի հետեւանքով ԼՂՀ պաշտպանության բանակի արեւելյան գծի զորամասերից մեկում զոհվել են ժամկետային չորս զինծառայողներ:
Ինչպես PanARMENIAN.Net-ին են հաղորդել ԼՂՀ պաշտպանության նախարարության մամլո ծառայությունում, զոհվել են կրտսեր սերժանտ Պարգեւ Սամվելի Կարապետյանը, շարքայիններ Արամ Ռազմիկի Կարապետյանը, Արկադի Խաչատուրի Ումերանյանն ու Հրաչ Սուրենի Եղյանը:
Զինծառայողների մահվան փաստի առնչությամբ քրեական գործ է հարուցվել, պարզվում են նրանց մահվան հանգամանքները:
