Ապրիլի 25-ին ԼՂՀ նախագահ Բակո Սահակյանն ընդունել է Հայաստանի Ազգային ժողովի պատգամավոր, ՀՀ Ֆուտբոլի ֆեդերացիայի նախագահ Ռուբեն Հայրապետյանին: Հանդիպման ժամանակ քննարկվել են Լեռնային Ղարաբաղում ֆուտբոլի, մասնավորապես, մանկապատանեկան ֆուտբոլի զարգացման հետ կապված հարցեր: Պայմանավորվածություն է ձեռք բերվել մոտակա երկու տարում Լեռնային Ղարաբաղի Հանրապետությունում կառուցել մի շարք սպորտդպրոցներ եւ խաղադաշտեր, հաղորդում է ԼՂՀ նախագահի մամլո ծառայությունը:
Հանդիպմանը ներկա էին ԼՂՀ ազատամարտիկների միության նախագահ, ԼՂՀ Ֆուտբոլի ֆեդերացիայի նախագահ Սամվել Կարապետյանը, ԼՂՀ ԱԺ սոցիալական ոլորտի հարցերի մշտական հանձնաժողովի նախագահ Արպատ Ավանեսյանը եւ շահագրգիռ մարմինների ղեկավարներ:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
