Հայաստանի եւ Թուրքիայի միջեւ հարաբերությունների ջերմացումն արգելք չի դառնա Ադրբեջանի հետ էներգետիկ նախագծերի համար, այդ թվում նաեւ Nabucco գազատարի հարցում: Այդ մասին հայտնել է Թուրքիայի էներգետիկայի նախարար Թաներ Յըլդըզը:
«Էներգետիկան կատալիզատորի դեր է խաղալու առավել դրական մակարդակով Ադրբեջանի, Հայաստանի եւ Թուրքիայի միջեւ հարաբերությունների զարգացման գործում»,- ասել է Յըլդըզը` ավելացնելով, որ Անկարան Ադրբեջանի հետ նախագծերի դադարեցման ծրագրեր չունի, գրում է թուրքական Hurriyet Daily News թերթը:
